PonteSan, a Feira da Saúde e o Benestar de Pontevedra

A Feira celébrase cada ano nunha carpa na Praza de España e nela participan máis de 40 empresas e entidades relacionadas coa saúde física e mental da nosa contorna.

A organización da III Feira da Saúde e o Benestar PonteSan, que corresponde a 2022 iniciouse cun encontro entre, o tenente de alcalde e concelleiro de Actividade Física e Saúde, Tino Fernández, e unha trintena de representantes das asociacións socio sanitarias galegas implicadas no proxecto.

Entre as cuestións abordadas nesta primeira reunión preparatoria, desenvolvida na Casa das Campás, adoptáronse as decisións de pechar as datas de celebración do evento, que terá lugar na Praza de España durante a penúltima fin de semana de maio (días 20, 21 e 22 de maio) e de dedicar esta edición de 2022 á loita contra a depresión, a tristeza e a angustia.

Clica aquí para consultar a nota de prensa completa sobre este encontro.