A área da Ponte dos Tirantes é das máis avanzadas do mercado, tanto polo seu deseño como pola operatividade que ofrece a quen a utilizará.

Optouse por un proveedor da máxima calidade, con pezas de alta duración e contrastada solidez, antivandálicas e ben pensadas para ofrecer ás persoas usuarias unha experiencia moi satisfactoria.

A instalación ubicouse nun dos puntos neurálxicos do deporte pontevedrés, ao lado da ponte dos Tirantes, un lugar de uso masivo polas persoas que practican deporte na capital.

O circuito consta de tres áreas de actividades, concebidas para o adestramento de persoas  desde os 13 anos ás idades máis adultas, tanto en grupos como de xeito individualizado.

Tamén acepta o uso por persoas de diferentes capacidades e niveis de adestramento.

• Kit de 3 campanas magnéticas ou prensa rusa con tubo de aluminio
• Kit de 3 aneis ergonómicos a distintas alturas
• Estación de dominadas con escaleira vertical
• Estación de presa inclinada con barras laterais a 4 alturas
• Banco de abdominais
• 4 pórticos unidos entre eles por barras lonxitudinais
• Barra triple de 3 alturas
• 4 step up de distintas alturas
• 2 barras paralelas a baixa altura unidas por arcos
• 2 bicis estáticas con pantalla táctil

Para realizar traballos de forza asistidos por equipamento específico. Esta zona potencia o desenvolvemento de traballo/exercicios dirixidos á mellora da forza.

Esta composto por, principalmente, dous elementos básicos: un con tres campás magnéticas ao estilo kettlebell/presa rusa a deslizar por un tubo de aluminio dunha forma segura con sistema magnético de freado e desaceleración da caída garantindo a seguridade da persoa usuaria e a durabilidade.

E outro composto por tres argolas ergonómicas de distintas alturas para adaptarse a todos os tipos exercicios vencendos ao peso do propio corpo que está sostido e guiado polas citadas argolas.

Composta por distintos elementos con de barras paralelas, horizontais, verticais, e de distinta lonxitude e altura que faciliten a realización de exercicios propios para o traballo co peso do propio corpo: exercicios calisténicos. Ou actividades propias do “street workout”.

O equipamento consiste en barras para dominadas, barras horizontais de distintas alturas para flexións, caixóns/step up de distintas alturas, barras paralelas para tipo dip bench etc.

E unha estrutura múltiple formada por catro pórticos unidos entre si por barras lonxitudinais, con barras transversais e lonxitudinais a diferentes alturas. Está equipadas con distintos tipos de ancoraxes para enganchar diversos elementos deportivos individuais (fitas elásticas, tirantes musculares, pesas, sacos, etc).

O exercizo aeróbico é a auténtica estrela desta zona, que conta con amplas sendas para a carreira a pé ou en bici, e camiñar.

Non obstante, para quen desexe dar pedais sen utilizar unha bici convencional, a Área de Actividade Física está equipada con 2 bicicletas estáticas antivandálicas con pantalla táctil.

Tamén pode utilizar a bicicleta para brazos, que proporciona un adestramento intenso da parte superior do corpo. É unha bicicleta estática inclusiva, xa que os usuarios con cadeiras de rodas poden acceder desde calquera lado e ademais a apertura tamén permite ao resto de usuarios realizar o exercicio de pé ou sentados.