A cidadanía de Pontevedra supera en máis ou menos un punto ás medias galegas e estatal en canto ao seu interés xeral polo deporte. Os 7,4 puntos (sobre 10) que se dá en pontevedra ao deporte en Xeral supera ao 6,4 que se acada en España e ao 5,9 en Galicia, a nota media máis baixa das analizadas.
A diferenza é maior cando se pregunta pola información deportiva, que en Pontevedra tamén case chega ao notable (6,2) pero tanto en Galicia como en España non chega ao aprobado (4,6 e 4,7 respectivamente)
Son datos que se recollen no Informe de Hábitos Deportivos no Concello de Pontevedra, elaborado polo Clúster da Industria do Deporte Galego para o Observatorio Galego do Deporte.
Ademáis, o estudo ofrece datos sobre a práctica deportiva de pontevedreses e pontevedresas, que acada un 6,5, contra o 5,3 en Galicia e o 5,7 en España. Tamén a cidade supera entre un e dous puntos ás outras dúas dimensións en asistencia a espectáculos.
O concepto máis igualado dos que contén o estudio ten relación coa visión de espectáculos audiovisuais. Vense un pouco máis en Pontevedra (5,6) que en España (5) e en Galicia (4,9).
En relación ao xénero compre salientar que as mulleres de Pontevedra teñen máis interese pola información sobre o deporte, cunha diferenza de ata 2 puntos. Tendo en conta a idade, as persoas de 75 anos ou máis puntúan ata 2 puntos máis alto no interese polo deporte xeral e pola práctica deportiva en Pontevedra que na media estatal. Tamén no grupo de 65 a 74 anos hai diferenzas palpables, cunha puntuación case 3 puntos máis alta en canto ao interese pola información sobre o deporte.