As máis de 200 persoas inscritas na primeira Ponteandada do ano, o 29 de marzo, comezarron o último domingo de marzo no peirao das Corbaceiras con algo de fresco do que se defenderán cun activo quecemento a base de zumba. Despois partiron cara a Lourizán e San Brais nun percorrido de dificultade baixa que lles levou unhas dúas horas e media.
Esta primeira cita terá continuidade o 10 de maio, que irán á zona da Parda e Cabanas; o 31 dese mesmo mes a Marcón; o 14 de xuño percorrerán Mourente, o 20 de setembro Bora e Lérez, o 18 de outubro Xeve, o 8 de novembro Verducido e por último o 29 de novembro Campañó, unha convocatoria solidaria na que se pide que se traian alimentos non perecedeiros para o Banco de Alimentos.
Esta primeira rota tomou pola antiga estrada de Marín, desviándose cara a A Torre, Gandarela, subindo cara a Figueirido no parque e pretoglifos e os muíños de Salcedo. Desde alí comezaron a baixar do Miradoiro da Armada, Miralexo, Campo da Porta, San Brais e remate de onde partiron, xa que os itinerarios son todos circulares.
Participar nas Ponteandadas e doado e barato, pois custa 2 euros por convocatoria e poden pagarse desde presencialmente ata por bizum. Tes todos os datos neste enlace: