O máximo confort posible dos espazos utilizados para a competición ou a actividade física está sempre no punto de mira da xestión deportiva. Algo máis de 5.000 euros destinaránse en breve a cambiar unha das tubaxes xerais que presta servizo a seis dos vestiarios do Pavillón Municipal.
As novas serán de polipropileno e servirán para renovar a antiga instalación obsoleta e mellorar así os servizos de auga quente sanitaria. A operación consiste en mudar uns 60 metros de tuberías e utilizar 238 conexións, que son as necesarias para deixar o circuito de auga quente funcionando de novo.
A principal instalación deportiva cuberta da cidade é un histórico edificio que leva a sinatura do egrexio arquitecto pontevedrés Alejandro de la Sota Martínez, un dos máis sobranceiros da súa xeración. O histórico edificio data de 1965 e agóchase dentro da actual estrutura branca de aspecto industrial.