O espazo electrónico triatlon.pontevedra.gal, destinado a acoller toda a información dos eventos internacionais deste deporte na cidade, xa comezou a publicar contidos relacionados coa Gran Final das Series Mundiais que terá lugar entre o 23 e o 27 de setembro.
Este web é de interés local, xa que recolle a información non só deportiva que se xera en torno a esta gran cita deportiva. Tamén se pode consultar esta, editada pola World Triathlon, dedicada a temas básicamente deportivos, e estoutra, da Federación Española de Tríatlon, na que tamén se recolle bastante información sobre o campionato, desde a óptica estatal.
De momento, irán aparecendo neste sitio local as novas que van xurdindo en torno á organización e a programación das carreiras, así como a apertura do período de inscricións para os Grupos de Idade, os sectores do evento que máis persoas atraen á cidade.
Tamén hai links a datos sobre a programación das viaxes e outros detalles de maior interese para as e os competidores. Nos próximos días irán aparecendo os horarios das probas e mesmo os percorridos das carreiras.