O ciclo de 8 camiñadas por Pontevedra recomezará o 27 de setembro cunha Ponteandada nocturna, semi urbana, que partirá do Pavillón Municipal e durará unhas duas horas, precedidas dun pequeno curso de iniciación á marcha nórdica. A cita é ás 18 horas para o curso e ás 8 da tarde para a marcha en si.
É a primeira actividade deste ciclo tras as primeiras 4 saídas, que comezaron cunha visita a Bora en marzo, e seguiron nos meses seguintes en Cabanas e muiños de Salcedo, no Verdugo e Pontesampaio e a que pechou o ciclo da primeira parte do ano, a finais de Xuño, que levou a quen quixo participar por Campañó e o Castrove.
Tras a cita de setembro quedan as do 12 de outubro pola Fracha, a do 30 de novembro, contra as violencias, cun percorrido de 2,5 horas que parte do palco da música da Alameda e remata cun magosto, e por último a do 14 de decembro, por Xeve, na que se pide aos participantes que aporten unha doazón de produtos non perecedeiros para o Banco de Alimentos.
O conxunto das catro primeiras rotas de 2025 suscitaron 700 participantes, 143 persoas máis que o pasado ano nas rutas previas ao verán. A todas elas entregaselles material para a recollida de lixo durante os percorridos, que teñen entre 10 e 14 km. O prezo é de 2 euros. O evento está organizado pola entidade Naturgaliza, co patrocinio e apoio do Concello de Pontevedra. Máis información neste link.